Nyuma yo kubanza gushaka ibyasabwaga byose birimo imishahara ye y’amezi abiri y’imperekeza, Ubuyobozi bwa Rayon Sports bwemeje ko iyi kipe yatandukanye na Haruna Ferouz wari umutoza wa kabiri wungirije wa yo.

Ni amakuru yemejwe n’iyi kipe kuri uyu wa Kane, tariki ya 22 Mutarama 2026 biciye ku rukuta rwa yo rwa X.

Rayon Sports yavuze ko bidasubirwaho, yatandukanye na Haruna Ferouz wari umutoza wa yo wa Kabiri wungirije, ndetse imwifuriza ishya n’ihirwe ahandi azakomereza akazi.

Bagize bati “Rayon Sports yatandukanye na Haruna Ferouz. Amahirwe masa ku handi uzakomereza akazi.”

Murera yatangaje ibi, nyuma yo kubanza gukemura ibijyanye n’imperekeza ze zingana n’imishahara y’amezi abiri.